De Valahfridi Stroh professoris Monacensis adventu

Mense Novembri ineunte anno MMXIII Valahfridus Stroh philologus maximi nominis, linguae Latinae litterarumque antiquarum peritissimus, professor emeritus in Universitate studiorum Monacensi in Bavaria, vocatus a duce cathedrae linguarum antiquarum Alexandro Suppopulino (qui et Podossinov), Societate Germanica Studiis Fovendis et Sodalitate doctrinae Promovendae Humboldtiana adiuvantibus, Mosquae scholas explicavit. Qui tantam auctoritatem cum scriptis suis, tum elegantia sermonis Latini sibi comparavit, ut perpauci litteris Graecis et Latinis studeant qui nomen eius numquam audiverint.

• Belikov

• География. История.
• Гуманитарные науки
• Художественная и детская литература