Alexius Scatebranus Rutenus Nicolao FEDOROV Alexii f. magistro suo salutem

Vsque a primis in uita Academica diebus illis Septembribus es nobis notus, multique iam anni praeteriere, ex quo primum te in auditorio nostro millesimo quinquagesimo primo uidimus colloquioque tuo frui coepimus. Postea, cum iter difficillimum a primis linguae Latinae elementis per Caesarem Nepotem ad Ciceronem deinceps et Sallustium, mox ad Catullum Tibullum, Vergilium Horatium, ad Tacitum denique et Senecam, quin etiam, Ammianum Marcellinum lustri unius spatio faceremus, quod iter cum rationis studiorum tum animi cultus erat, contigit nobis feliciter propius meliusque te praeceptorem magistrumque optimum nosse.

• География. История.
• Гуманитарные науки
• Художественная и детская литература